Тюбетейка Отбасы хрестоматиясы размер 58, коричневый

Бұл тақияның дизайнын этнограф әрі қоғам қайраткері – Өзбекәлі Жәнібек жасаған. Ол 1990 жылдары осы тақияны өзіне арнап тігеді. Тақияны жасағанда ол материалдың түсіне, ою-өрнегіне, кестесіне, пішіміне бәріне аса мұқият мән берген. Себебі тақияның түсі – көшпелі халықтың дәстүрлі менталитетінен, яғни қоңыр-cары түстен таңдалған. Бір ескеретін жайт – бұл түс Алтын Орда мемлекетінің ресми түсі болған. Ал оюлары – аң-құстың стилінде емес, ол да Алтын Орда дәуірінде пайда болған гүл тәріздес оюлардан әспеттелген. Соған қарағанда Өзбекәлі – Алтын Орда дәуіріндегі өрнектердің әдемі үлгілерімен таныс болған сияқты. Тақияның кестелері де гүлдің сабағы іспеттес кескінделген. Ал тақияның формасы биік те, аласа да емес, адамның басына қонымды етіп жасалған. Өзбекәлі Жәнібек осы тақияны тігу арқылы Алтын Орда дәуіріндегі бекзадалар киетін киімінің үздік бір үлгісін жасап кеткендей көрінеді. Бұл тақияның табиғи, яғни негізгі материалы қымбат тұрады. Жалпақ жұртқа қол жетімді емес.Әйтсе де, тақияны сұраушылар мен оған қызығушылар өте көп. Осы себепті халыққа қол жетімді, арзан нұсқасын жасап шығардық. Материалдарын жасанды киіз, барқытпен ауыстырдық. Ал дизайн мен пішімінде өзгеріс жоқ.